Momentum adekvatne svrsishodnosti mjeren etimološkim proračunima vremenskog leta, Wyvernska estetika balansa, titular nultog meridijana, „Grinič“ nedefinisanih sfera portabilne rafiniranosti, Longines!
Primat, svojevrstan vid nadmoći postignut karakterističnim odlikama koje određeni brend čine posve prepoznatljivim, neplagijatorskim, autentično cijenjenim, dostojnim epiteta koji sam posjeduje. Longines je brend koji imat primat unutar entry luxury sfere, koja ga potpuno čini savršenstvom kartezijanske čestice apsolutne svijesnosti realnih intervala koji neprekidno balansiranju tržišnu varijablu, na kojoj Longines zadržava svoju poziciju trajno. Istorijska tekovina brenda, nedvojbeno ga krasi, čineći ga Omphalosom balansa, savršenim omjerom čiji ideal unutar kapitalističke nadmoći profita bajkovito odbija sopstveno okončanje, darujući nam nematerijalni smisao kroz novi Longines Spirit Zulu Time!
Amelija Erhart prilikom svojih podviga, na zglobu je nosila model čiju reinkarnisanu futurističku verziju vam danas prezentujemo. Titanijum u horologiumskom svijetu sve više uzima maha, primarno zbog nedvojbeno unapređenih karakteristika, koje krase ovaj materijal u odnosu na sam čelik, u poređenju sa kojim odnosi apsolutnu prevagu, te se s toga i enormno upotrebljava u modernoj časovničarskoj industriji. Novi Longines Spirit Zulu Time, kreiran je od titanijuma petog stepena (legiranog aluminijumom i vanadijumom). Uz prisustvo navedenih supstanci, postiže se znatno veća čvrstoća materijala uz primjetno svjetliji sjaj u odnosu na klasični titanijum drugog stepena.
Lakoća materijala u poređenju sa bazičnom obradom željeza iznosi do 40%, što časovnik čini posve udobnim za nošenje, čak i sa titanijumskom narukvicom na koju naliježe kućište promjera 39 mm, debljine 13.5 mm. Lug to lug razdaljina koja iznosi 46 mm, stvara predstavljeni sat vrlo kompaktnim i nosivim, širem časovničarskom publicumu, osobito ljubiteljima koji su pobornici ustaljenih aksioma vintage stila, gdje promjer časovnika, istorija i sofisticiran dizajn uz preciznost odnose prevagu nad avangardom moderne dekadencije. Klasik čija estetska neprikosnovenost čini jedinu ispravnu tekovinu istorije, ogledan je u preifnjenoj izradi brojčanika. Crna nijansa obogaćena zlatnim detaljima, predstavlja otjelotvorenje ideala prilagodljivosti.
Sportska robusnost ogledana u oyster narukvici uz izdužene lugove kućišta, stvara kontradiktornost elegantnoj izradi zlatnih kazaljki vintage duha, dok arapski indeksi predstavljaju svojevrstan vid afilijacije ili pak balansa između oštrih kontura i prefinjenih nijansi koje objedinjuje ovaj model. Kako pomenuti indeksi, tako i same kazaljke odaju luminiscenciju, kao i protiv-teg na crvenoj kazaljki koja vrši GMT funkciju. Na poziciji šest nalazi se funkcija datuma crne pozadine. Crni keramički bezel koherentno djeluje u odnosu na ostatak časovnikovih aduta, koji visokom posvećenošću obrade odaju epitet luksuza.
Model pokreće mehanizam na automatsko navijanje Chronometer sertifikovan kalibra L884.4, frekvencije od 25 200 VpH, te rezerve do 72 časa. Sat dolazi na titanijumskoj narukvici uz Longines interchangeable sistem, a vodootpornost noviteta seže do 100 m, što ga čini imaocem istinskog sportskog duha. Plasirani novitet predstavlja exempli causa umjerene diferencijalnosti, koja predstavlja smislen korak ka unapređenju istorije, bez gubitka suštinske note autentičnosti. Cijena časovnika iznosi 3 800 CHF. Sat je dostupan kod domaćeg zastupnika brenda Absolute Time.
